-
Text
2
Notes أنى اعجب لما يدعونى للقلم .. فالكتابه فن لم اعرفه لا بالهوايه ولا بالمهنهمش فاكر ايه اول حاجه قريتها خارج الكتب المدرسيه .. فلاش . رجل المستحيل . المغامرون الخمسه .. حاجه من النوع دا … اللى فاكره كويس انى و انا فى رابعه ابتدائى خالى اكتشف انى غاوى اقراء .. بس نوعيه الكتب دى كانت ردئيه فنصحنى انى استعير منه كتاب و اجرب .. و رغم ان الفكره الادب و الرويات مدخلتش دماغى بس اتكسفت اطلع عيل قدام خالى ” عقد نفسيه مبكره ”
المهم رحت لخالى ادور على كتاب من مكتبته … لقيت كل الكتب شبه بعض .. غلاف اسود سميك عليه طباعه بالذهبى و اسم خالى على كل كتاب .. و كل الكتب ورقها اصفر قديم .. و عنواين الكتب غير مشجعه على الاطلاق .
بس عينى وقعت على كتاب اسمه “السراب” لواحد اسمه نجيب محفوظ .. خيالى اللى مهتم بالعلم اعتقد ان الكتاب دا خيال علمى .. عن عالم تانى موجود جوه السراب و بيختفى لما الناس تقرب منه .. قلت بس هو دا الكتاب
الاحداث دى كانت يوم الخميس .. لما فتحت الكتاب انبهرت .. حتى يومنا هذا انا فاكر اول سطر فى الكتاب .. فاكر ملامح اول صفحه .. فاكر اسم البطل .. فاكر النهايه .. فاكر الانبهار اللى كنت فيه من اللغه العربيه و قدره نجيب على استخدمها …
انا مفهمتش الروايه ساعتها بس فهمت انى امام عالم تانى ممتع
الكتاب خلص يوم الجمعه .. و توالت الكتب بعدها الى الان -
sadekhm liked this
-
nonexpressive liked this
-
ziadm posted this
